13 мая 2026 года ў рамках XIX Майскіх Віткаўскіх чытанняў «Васіль Вітка – паэт дзіцячай душы» ў дзіцяча-юнацкім аддзеле Слуцкай раённай цэнтральнай бібліятэкі адбылася творчая сустрэча з галоўным рэдактарам часопіса «Вясёлка» «Давай знаёміцца, «Вясёлка»!».

Галоўны рэдактар часопіса Анастасія Віктараўна Радзікевіч пазнаёміла дзяцей з гісторыяй стварэння часопіса, яго рубрыкамі і праектамі. Больш падрабязней распавяла пра заснавальніка часопіса — першага рэдактара Васіля Вітку і Уладзіміра Ліпскага, які ўзначальваў часопіс 44 гады.

Анастасія Віктараўна прачытала сваю казку «Цёплы агеньчык», і дзеці разам з аўтрам абмеркавалі сюжэт твора і яго асноўную ідэю.

Навучэнцы з задавальненнем адказвалі на пытанні, адгадвалі загадкі, удзельнічалі ў гульне «Сяброўства».

Юныя случчанне з добрым настроем і часопісамі «Вясёлка» пайшлі з бібліятэкі.

Да мерапрыемства была падрыхтавана кніжная выстава «Вясёлка німбам яркім ззяе».