12 чэрвеня 2025 года ў дзіцяча-юнацкім аддзеле Слуцкай раённай цэнтральнай бібліятэкі для школьнікаў, якія наведваюць летнія пляцоўкі ДУА «Гімназія №1 г.Слуцка» і ДУА «Гімназія №2 г.Слуцка» адбылася творчая сустрэча з Зінаідай Багамолавай “.

Беларуская пісьменніца і паэтка Зінаіда Багамолава расказала прысутным на мерапрыемстве дзецям пра свой жыццёвы шлях, пазнаёміла с творчасцю, прэзентавала новую кнігу «У свеце загадак».

Хлопчыкі і дзяўчынкі актыўна разгадвалі загадкі, слухалі казкі і вершы пісьменніцы, задавалі шмат пытанняў.

На прыканцы сустрэчы ўсе жадаючыя зрабілі фота на ўспамін, палучылі салодкія прызы і закладкі для любімых кніг ад аўтара.

Вялікі дзякуй Зінаідзе Яўгеньеўне за свята і кнігі з аўтографам, якія бібліятэка атрымала ў падарунак.