З 16 па 21 студзеня  2026 года ў аддзеле абслугоўвання і інфармацыі Слуцкай раённай цэнтральнай бібліятэкі ў рамках Тыдня роднай мовы прайшоў цыкл мерапрыемстваў «Родным словам сэрца краніся».

Беларуская мова – найкаштоўнейшы скарб нашага народа, неацэнны набытак, які перадаецца ў спадчыну ад пакалення ў пакаленне.

Да Міжнароднага дня роднай мовы бібліятэка запусціла ў сацыяльных сетках творчы чэлендж «Мілагучная і пяшчотная, мая мова родная!». Актыўныя ўдзельнікі будуць узнагароджаны.

19 студзеня адбылася яркая і запамінальная творчая сустрэча «Трэба пісаць і гаварыць аб галоўным» з Ксеніяй Зарэцкай, пісьменніцай, крытыкам, журналістам, рэдактарам літаратурна-мастацкага і грамадска-палітычнага часопіса «Маладосць».

Бібліятэкары актыўна знаёмілі наведвальнікаў з творамі пісьменнікаў-класікаў, сучасных аўтараў, кніжнымі навінкамі беларускіх выдавецтваў.

У мэтах папулярызацыі беларускай літаратуры для чытачоў была арганізавана выстава-панарама «Беларускую кнігу у кожны дом» і выстава-прагляд «Беларуская кніга: для вас з любоўю».

Чытачы бібліятэкі папоўнілі свой слоўнікавы запас, прыняўшы ўдзел у гульні-лабірынце «Паспрабуй перакласці». Прываблівала ўвагу наведвальнікаў бібліятэкі і дошка настрою «Глыбокая, святая, родная мова мая!», на якой былі размешчаны важныя ветлівыя і пяшчотныя беларуская словы.

Мерапрыемствы, якія адбыліся ў рамках Тыдня роднай мовы, спрыялі і працягваюць спрыяць захаванню культурнай спадчыны, роднага слова.