Да Міжнароднага дня роднай мовы і да 140-годдзя з дня нараджэння Янкі Купалы ў дзіцячым аддзеле Слуцкай раённай цэнтральнай бібліятэкі быў створаны віртуальны літаратурны слоўнік “Магутнае слова, ты роднае слова!”.

Янка Купала не толькі пісаў вершы, паэмы, п’есы, але і клапаціўся аб стварэнні беларускай граматыкі. Ён прыўнёс у беларускую літаратуру свой слоўнік, сваю навуку ўтварэння новых слоў.

Слоўнік Янкі Купалы – гэта жывая, гаваркая, музычная, напеўная мова беларусаў.

Запрашаем усіх пазнаёміцца з некаторымі беларускімі словаўжываннямі і яшчэ раз дакрануцца да непаўторнай беларускай мовы.