21 лютага 2020 года ў аддзеле абслугоўвання і інфармацыі чытачоў адбыўся шэраг мерапрыемтваў, прымеркаваных да Дня роднай мовы. Абслугоўванне вялося на беларускай мове, аб чым чытачоў папярэджваў спецыяльны знак “Увага — галоЎная дарога!”.

На працягу дня ў чытальнай зале чытачы запаўнялі літаратурны нататнік “Родная мова маёй зямлі”. Была аформлена кніжная паліца “Моўнае аблічча краіны”, накіраваная на папулярызацыю роднай мовы і літаратуры.

Наведвальнікам абанемента бібліятэкары прапаноўвалі як навінкі беларускай літаратуры, так творы беларускіх пісьменнікаў-класікаў.

Цікавасць выклікала выстава-жыццявір “ЖЗЛБ: біяграфія працягваецца”, на якой прадстаўлены кнігі з выдавецкай серыі партрэтаў знакамітых людзей Беларусі.

Бібліятэкары на працягу дня запрашалі наведвальнікаў на літаратурна-гістарычны альманах “Сваю дарогу мова знойдзе”. Таксама, на працягу дня праводзілася апытанне чытачоў на тэму стаўлення да беларускай мовы.  Адказы чытачоў былі наступныя: “Я паважаю і люблю родную мову”, “Я веру ў будучыню маей мовы і культуры”, “Мову патрэбна паважаць”, “Мова — народны скарб”. Гэта сведчыць аб тым, што случчане шануюць сваю родную мову і добра яе ведаюць.