18 мая 2023 года дзіцячы аддзел Слуцкай раённай цэнтральнай бібліятэкі запрасіў дзяцей на аўкцыён ведаў «Гэй ты, Вавёрачка!».

Навучэнцы пазнаёміліся з біяграфіяй пісьменніка-земляка Васіля Віткі. Разам з  галоўнай гераіняй казкі «Вавёрчына гора» яны рашылі хітрыя задачкі і адгадалі загадкі ад Васіля Віткі. Разгадаўшы крыжаванку,  даведаліся, якія жывёлы сустракаюцца ў вершах і казках пісьменніка. Зацікавіла дзяцей і крыжанванка «Урокі роднага слова», якая змешчана на сайце Слуцкай раённай цэнтральнай бібліятэкі. З задавальненнем папрактыкаваліся ў чытанні на хуткасць скорагаворак, якія напісаў Васіль Вітка.

Такім чынам, праз гульнёвыя сродкі юныя случчане  далучыліся да творчасці нашага знакамітага земляка.