14 мая 2025 года ў дзіцяча-юнацкім аддзеле Слуцкай раённай цэнтральнай бібліятэкі адбылася творчая сустрэча з заслужаным дзеячам культуры Рэспублікі Беларусь, членам грамадскага аб’яднання “Саюз пісьменнікаў Беларусі”, пісьменнікам-лаўрэатам літаратурнай прэміі часопіса “Вясёлка” імя Васіля Віткі Уладзімірам Сцяпанавічам Ліпскім.

У час шчырай размовы школьнікі даведаліся пра жыццёвы і творчы шлях вядомага беларускага пісьменніка. Пазнаёміліся з творамі, якія вучаць любіць і шанаваць сваю краіну, бацькоў і сяброў, адчуваць радасць ад жыцця і літаратуры.

Навучэнцы ДУА “Акцябрская базавая школа імя Васіля Віткі” падрыхтавалі прывітанне Уладзіміру Сцяпанавічу Ліпскаму. Ульяна Палазнік, шчырая прыхільніца творчасці Уладзіміра Сцяпанавіча, прачытала ўрывак з яго кнігі “Мая Беларусь”.

Уладзімір Ліпскі пажадаў усім прысутным даражыць кожным днём, вывучаць азбуку жыцця і ганарыцца сваім таленавітым земляком, роднай мовай, захапляцца прыгажосцю святынь Беларусі.

Дырэктар бібліятэкі Людміла Гуріновіч уручыла пісьменніку на добры ўспамін дыплом удзелька чытанняў і памятны падарунак, павіншавала з юбілеем.

Усе прысутныя на мерапрыемстве атрымалі ад галоўнага рэдактара часопіса “Вясёлка” Анастасіі Радзікевіч падарункі.

Юныя случчане і госці зрабілі памятны фотаздымак на ўспамін аб сустрэчы на XVIІІ Майскіх Віткаўскіх чытаннях “Мудрэц з вялікай літары”, прысвечаных 114-годдзю з дня нараджэння Васіля Віткі і 1020-годдзю горада Слуцка.

Мерапрыемства дапоўніла кніжная выстава-экспазіцыя “Мастак слова”.