15 мая 2024 года ў дзіцячым аддзеле Слуцкай раённай цэнтральнай бібліятэкі ў рамках XVII Майскіх Віткаўскіх чытанняў адбылася творчая сустрэча «Таямнічая планета Уладзіміра Мазго».

Уладзімір Мінавіч распавядаў пра сябе, сваю літаратурную дзейнасць, пазнаёміў дзяўчынак і хлопчыкаў з новымі кнігамі.

Юныя чытачы з цікавасцю слухалі вершы, адгадвалі загадкі, шарады, анаграмы, паўтаралі следам за паэтам скорагаворкі.

Удзельнікі аб’яднання па інтарэсах «Тэатр мініацюр» ДУА «Слуцкі цэнтр дзіцячай творчаці» прачыталі вершы паэта.

Напрыканцы пісьменнік параіў юным случчанам: «Не гуляйце, дзеці, доўга ў інтэрнеце з дапамогай мышкі, а чытайце – кніжкі».

Усе жадаючыя  зрабілі фота на памяць з Уладзімірам Мазго.