17 мая 2023 года ў дзіцячым аддзеле Слуцкай раённай цэнтральнай бібіятэкі ў рамках краязнаўчага праекта «БібліяВокны» адбыліся літаратурныя вітражы «Майстар роднага слова».

У час мерапрыемства юныя случчане даведаліся пра дзяцінства і жыццёвы шлях свайго знакамітага земляка Васіля Віткі, пазнаёміліся з мастацкай спадчынай беларускага пісьменніка і творца.

Хлопчыкі і дзяўчынкі з задавальненнем прачыталі казкі і вершы, разгадалі загадкі і задачкі, адказалі на пытанні крыжаванкі.

Мерапрыемства дапоўніла кніжная выстава «Краіна Васіля Віткі».