18 мая ў Казловіцкай сельскай бібліятэцы да тыдня паэта «Віткава слова – слова Случчыны» для вучняў 3-4 класа і членаў клуба  «Сябры кнігі» адбылося гучнае чытанне «Няма большай асалоды, як пісаць для дзяцей…».

Бібліятэкар пазнаёміла рабят з жыццёвым і творчым шляхам нашага слыннага зямляка, звярнула ўвагу, што ў кожнай казцы, кожным вершы або апавяданні Васіля Віткі не толькі займальны сюжэт, але і тое залатое зернейка, што прыносіць веды, выхоўвае і робіць нас лепшымі. А значыць і шчаслівымі.

З вялікім задавальненнем дзеці прынялі удзел у мерапрыемстве. З цікаўнасцю паслухалі апавяданні, вершы, скарагаворкі, жарты, лічылкі аўтара. Шмат прыемных эмоцый прынесла сустрэча з дзіцячым часопісам «Вясёлка», заснавальнікам і галоўным рэдактарам якога быў Васіль Вітка.

Дапоўніў мерапрыемства конкурс мастацкага чытання твораў пісьменніка па кнізе Васіля Віткі «Сонечны чараўнік», у якім прынялі ўдзел усе прысутныя.