У дзіцячым аддзеле Слуцкай раённай цэнтральнай бібліятэкі з 8 лютага па 6 сакавіка 2022 года для вучняў 6-10 класаў школ горада і раёна прайшла інтэрактыўная праграма “Свет Кузьмы Чорнага” па літаратурна-дакументальнай выставе Дзяржаўнага музея гісторыі беларускай літаратуры “Кузьма Чорны. Чалавек – гэта цэлы свет…”.

Наведвальнікі знаёміліся з цікавымі фактамі біяграфіі пісьменніка, гісторыяй напісання яго твораў,  матэрыяламі і экспанатамі, прадстаўленнымі на выставе-інсталяцыі “Свет Кузьмы Чорнага”; удзельнічалі ў інтэрактыўнай віктарыне “Напісанае застаецца” па творах “Насцечка” і “Пошукі будучыні”; глядзелі ўрыўкі з кінафільмаў па ранніх творах пісьменніка “Маё дзела цялячае”.

Вялікую цікавасць вызваў майстар-клас па напісанню пяром “Пяро пісьменніка — чараўнічае”.