Мушынская, Т. М. Сямейны партрэт на фоне эпохі / Таццяна Мушынская. – Мінск : Беларусь, 2020. – 269, [2] с.

Пісьменніца, журналістка і тэатральны крытык Таццяна Мушынская выдала дакументальна-мастацкую аповесць “Сямейны партрэт на фоне эпохі”, прысвечаную бацькам: члену-карэспандэнту НАН Беларусі, доктару філалагічных навук, прафесару, Лаўрэату Дзяржаўнай прэміі Міхасю Іосіфавічу Мушынскаму і яго жонцы Тамары Фёдараўне. З цёплымі пачуццямі ў абразках і нататках дачка вучонага Таццяна Міхайлаўна ўспамінае яркія эпізоды з жыцця бацькоў. Для многіх чытачоў кніга – нагода для развагі як найлепшым чынам захаваць памяць пра адышоўшых бацькоў, якія жыццёвыя ўрокі засвоіць.