Кожны з нас прыпасае радзімы куток,
Каб да старасці чэрпаць адтуль успаміны
Пімен Панчанка

У кожнага чалавека ёсць мясціна, дзе ён нарадзіўся. Для некага гэта вёска, для некага мястэчка, а для некага – горад. І з гэтых дарагіх і любімых кожнаму з нас мясцін складаецца наша Радзіма – Беларусь.

Дзе ваша малая радзіма і з чым яна ў вас асацыіруецца? Якія пачуцці ўзнікаюць пры ўспамінах аб ёй? У Год малой радзімы, аб’яўлены сёлета ў нашай краіне, прапануем пазнаёміцца з творчымі думкамі пісьменнікаў і паэтаў, якія пранікнёна ўслаўляюць родную Беларусь, сваю малую радзіму, яскрава паказваюць непарыўную сувязь любога чалавека з роднымі мясцінамі.

Прапануем знаёмства з цікавымі выданнямі, якія, упэўнены, прымусяць вас па-іншаму зірнуць навокал і згадзіцца, што “усе дарогі вядуць дадому”.